A pasada fin de semana púxose en alza o rugby pontevedrés non só no que ao feminino refírese, senón tamén a canteira. E é que os equipos M14 e M16 do Mareantes Rugby Club alcanzaron as súas respectivas finais, na que ademais os primeiros proclamáronse campións.
O Manuel Anxo Cortizo, de Lalín, acolleu unhas finais con ampla representación pontevedresa e na que o equipo M14 do Mareantes Rugby Club Pontevedra coroouse como o mellor da súa categoría. Fíxoo, ademais, gañando ao actual posuidor do título, Vos Ingleses de Vilagarcía, por un contundente 54-24. Os lerezanos non deron marxe a outra cousa que non fose alzarse eles co título. Así, coroan unha extraordinaria tempada na que terminan invictos en todos os seus encontros e demostrando un gran xogo.
Pola súa banda, o equipo M16 perdeu a final contra o Vigo Rugby Club. O partido foi trepidante para a afección, cun amplo marcador que tras atopase empatado en fases do partido decidiuse nos últimos compases a favor dos olívicos por un axustado 36-43. Gran tempada a do M16, que a pesar de acabar líder na liga regular sucumbiu na final #ante un gran rival. É a terceira final consecutiva do equipo pontevedrés.
Así se culmina unha tempada de grandes éxitos para o Mareantes RUGBY CLUB PONTEVEDRA, que sacou por primeira vez ao equipo M18 e logrou con el un fantástico quinto posto. O conxunto pontevedrés gañou partidos de gran importancia e demostrou durante toda a tempada a súa calidade nunha difícil categoría. Desde o club animan a máis deportistas a unirse á súa dinámica.
#enceplansocialpontevedra
