Os M14 xogan a sexta xornada de Liga no Manuel Anxo Cortizo contra o CR Lalín as 18 da tarde, este equipo milagre está en una traxectoria ascendente que nos fai moita ilusión.

E pare rematar o Domingo o Mareantes Rugby Club de Pontevedra organizará un Torneo Do Nadal de Escolas Rugby “Touch” en San Andrés de Xeve.

 Os nosos pequenos da Escola xunto cos seus compañeiros máis maiores e as súas familias convidan a afeccionados ao rugby de todas as idades a participar nunha xornada ao redor do balón oval patrocinada pola Secretaria Xeral do Deporte da Xunta de Galicia.

Se vos apetece probar un pouco o que é xogar ao rugby cos vosos fillos ou amigos, este é o momento.

A xornada comezará ás 11:30 am en San Andrés de Xeve. Só necesitades roupa de deporte de abrigo e ganas de botar uns sorrisos de maneira distinta.

Calquera dúbida, chámanos ou escribenos ao 609347446.

Terminando a tempada non pode faltar o día que o Mareantes Rugby Club de Pontevedra leva o noso amado deporte á rúa, esta vez desprazámonos a un lugar emblemático no centro de Pontevedra, a Praza de España.
Xogadores de todalas categorías adestraron o Venres xunto a diversos amig@s que viñeron probar. Realizaron unha demostración do divertido que é este xogo, víronse touches, melés, pases e carreiras diante de moitos curiosos que se pararon a preguntar que era ese deporte tan molón.
Ao finalizar visitamos algún dos nosos patrocinadores da zona., dámoslles unhas inmensas grazas a Petete da Cata, Sergios de As Campás, Victor do Merrys ou Charo do Bocaito . Todos son grandes sponsors que dunha maneira altruísta axúdannos cada ano para poder realizar este labor social que tanto nos gusta.
Terminamos co último Terceiro Tempo da tempada no noso Local social da Rua San Nicolás, onde nen@s e pais/nais desexámonos unhas felices vacacións de verán.. en nada estamos de volta.
Se che interesa este deporte, probao.. non perdes nada, pódese compatibilizar con outros e só tes que chamar ou escribir este verán ao 609347446, empezamos coa Academia (12-18 anos) ao final de Agosto e coa Escola (4-11 anos) en setembro!.

Quen chega antes?. MAREANTES

#enceplansocialpontevedra

Como xa é tradición este pasado Sábado o Mareantes Rugby Club de Pontevedra celebrou a súa comida anual de fin de tempada no Restaurante La Viuda na parroquia de Campañó.
Case 140 persoas da familia blanquinegra xuntáronse para compartir mesa, na mesma mesturáronse os xogadores de diferentes xeracións xunto ás súas familias e amigos para lembrar os grandes momentos vividos nesta tempada 23/24 e escoitar grandes fazañas e anécdotas do pasado.
A comida terminou cunha entrañable entrega de agasallos, premios e un xuízo sumarísimo onde botando moita cantidade de humor os entrenadores e o Presidente Roberto Juncal ( @roberjuncal ) xuzgaron “ de maneira sumarísima” aos “cracks” dos distintos equipos.
Ó agape rematou cun brinde polos éxitos futuros, lembrando aos ausentes e desexando felicidade e saúde no verán para os presentes xa que en dous meses volveremos e nos atopamos máis fortes e esperanzados que nunca.
Longa Vida ao Mareantes!.
Quen chega antes?. MAREANTES
www.mareantesrugbypontevedra.es
@res_la_viuda
@roberjuncal

A Escola do Mareantes Rugby Club de Pontevedra voltou ser convidada polo Real Club Cultural Covadonga de Xixón ao XIV Torneo de Rugby Praia da cidade irmá onde acudiron un total de 600 deportistas amantes do rugby que fixeron deste día algo en grao sumo especial e inesquecible.

@s pequen@s Mareantes teñen este día marcado no seu calendario como un momento grande de cada tempada onde teñen contacto con escolas de rugby de tódolo norte de España e onde gozan do deporte oval que tanto lles gusta.

O Sábado comeza cunha viaxe ao mencer, continua cunha chea de partidos na Praia de Poniente de Xixón e termina cunha cea e durmida cos teus amigos no Cámping de Deva, mellor imposible!

O Domingo os anfitrións convídannos xunto aos amigos de Gaztedi a unha comida de confraternización entre Clubs onde a tradición do Terceiro Tempo chega á súa máxima expresión coa colaboración de todalas familias.

Todo isto non podería pasar sen a axuda de adestradores, delegados, nais e pais que coidan deste grupo de máis de 50 persoas pero en especial facemos mención ao noso nexo de unión, a Miguel “o Negro” Tascón (@migueltascon) , antigo xogador do Club de Rugby Xixón e Director Deportivo do Mareantes, sen él non conseguiríamos esta maxia e amizade.

Aínda non acabamos a tempada, se queres probar o rugby podes chamarnos ao 609347446!.
Quen chega antes?. MAREANTES
www.mareantesrugbypontevedra.es
#enceplansocialpontevedra

Haz clic aquí para añadir texto

Hai momentos especiais durante unha tempada de rugby e á o Mareantes tocoulle vivila esta fin de semana coa visita do equipo M12 dos Instonians Rugby Football Club de Belfast ao noso Club en Pontevedra.

Afianzouse o irmanamento dun club centenario do Rugby irlandés coa cidade de Pontevedra e en especial co Mareantes Rugby, o Instonians de Belfast xunto ao Greystones e o Monkstown de Dublin son equipos que xa levan a blanquinegra consigo.

Unha comitiva de 26 xogadores cuesando o ultimo ano de primaria mais 31 familiares participou en diversas actividades na Boa Vila e nos arredores destacando o adestramento conxunto do Venres dos nen@s de ámbolos clubs cun gran Terceiro Tempo do Venres, a invitación de Os Ingleses de Vilagarcía a participar nun mini torneo Santa Rita o Sábado onde saíron invictos( aínda que as escuadras galegas loitaron duramente e presentaron oposición), continuou cun Domingo pola Lanzada e Sanxenxo facendo surf e karts e karting.

Non nos esquezamos do “xuízo” ao que se someteu toda a comitiva o Domingo pola tarde para “premiar e castigar” o comportamento durante a fin de semana no noso Local.

 A expedición rematou o Luns  cunha visita guiada pola cidade  onde escoitaron historias de nobres, murallas, peregrinos, piratas e Feira Franca… resultado final inmellorable.

O rugby galego sae reforzado con estas visita e así nolo agradeceron estando convidados a visitar a súa cidade cando queiramos.

A tempada está case a piques de finalizar pero aínda quedan máis sorpresas.

Quen chega antes?. MAREANTES

#enceplansocialpontevedra